ایمزٹی وی(کراچی) کراچی میں تیسرے بلدیاتی انتخابات میں ایم کیو ایم کی کامیابی کے بعد نئے میئر کے لئے غور کیا جارہا ہے۔ ذرائع کے مطابق ایم کیو ایم کے سینئر رہنما وسیم اختر جو کہ قومی و صوبائی اسمبلی کے ممبر رہ چکے ہیں انکا نام بھی قابلِ غور ہے جبکہ دوسرا نام اعلٰی تعلیم یافتہ ارشد دوہرا کا سامنے آیاہے جو کہ ایک کاروباری شخصیت ہیں ایم کیو ایم میں ان کی خدمات خاص طور خدمت خلق فاﺅنڈیشن سے وابستہ رہی ہے۔ذرائع کا یہ بھی کہنا ہے کراچی کے میئر کے لئے ایم کیو ایم کے رہنما انجینئر ناصر جمال کا نام بھی قابل غور ہے۔شہر قائد کا اگلا میئر کون ہوگا اس کافیصلہ جلد ہوجائے گا مگر کراچی کے شہری ان سے ویسی ہی توقعات وابستہ کریں گے جیسی کارکردگی مصطفی کمال نے اپنے دور میں دکھائی تھی۔