ایمز ٹی وی (کراچی) مجوزہ نجکاری کے خلاف پی آئی اے ملازمین کا احتجاج اور دفاتر کی تالہ بندی کا چوتھا دن ، جوائنٹ ایکشن کمیٹی نے ایک گھنٹے کے لئے فضائی سروس معطل رکھنے کا اعلان کردیا ۔ کراچی میں پی آئی اے ہیڈ آفس کے باہر قومی ائر لائن کی مجوزہ نجکاری کے خلاف ملازمین کا احتجاج اور دھرنا چوتھے دن بھی جاری ہے ۔ پی آئی اے کے بکنگ آفس اور دفاتر پر تالہ بندی بھی جاری ہے ۔ سی بی اے اور حکومتی نمائندوں کے درمیان آج اسلام آباد میں مذاکرات ہوں گے ۔ جوائنٹ ایکشن کمیٹی مذاکرات میں شرکت نہیں کرے گی ۔ جوائنٹ ایکشن کمیٹی نے ہیڈ آفس سے جناح انٹرنینشل ائرپورٹ تک احتجاجی ریلی نکالنے اور وہاں دھرنا دینے اور فضائی سروس ایک گھنٹے معطل رکھنے کا اعلان کیا ہے ۔ فضائی سروس 11 بجے دن سے 12 بجے دوپہرتک معطلی رکھی جائےگی ۔
جمعرات, 02 مئی 2024
تازہ ترین