ایمز ٹی وی (کراچی) رینجرز ہیڈ کوارٹرز کراچی میں رکن سندھ اسمبلی ثانیہ ناز سے رینجرز حکام نے 7 گھنٹے سے زائد وقت تک تفتیش کی، ذرائع کے مطابق اس دوران ثانیہ ناز نے رینجرز سے تفتیش میں مکمل تعاون کیا اور آئندہ بھی کسی قسم کی ضرورت پڑنے پر ہر طرح کے تعاون کی یقین دہانی کرائی۔
ذرائع کے مطابق تفتیش کے دوان ثانیہ ناز سے ان کے بینک اکاؤنٹس اور عزیز بلوچ کے حوالے سے مختلف سوالات کئے گئے۔ ثانیہ ناز کو رینجرز حکام نے گذشتہ روز ایک خط کے ذریعے تفتیش کے لئے طلب کیا تھا اور اس حوالے سے وزیر اعلیٰ کے سیکرٹری کو بھی پیشگی آگاہ کر دیا گیا تھا۔