ایمز ٹی وی(کراچی) نجی ٹی وی چینل کے ایک پروگرام میں ایک مہمان سے سوال و جواب کے دوران جب صدر مملکت ممنون حسین کی تصویر دکھا کر ان کا نام پوچھا گیا تو خاتون نے پہلے تو انہیں پہچاننے سے انکار کیا ، پروگرام کے میزبان وسیم بادامی اور جنید جمشید نے جب ان سے نام بتانے پر اصرار کیا تو خاتون نے صدر مملکت کی شناخت اعتزاز احسن کے نام سے کی جس پر میزبانوں سمیت حاضرین پروگرام بھی قہقہے لگائے بغیر نہ رہ سکے۔

بالآخر خاتون نے جب آپشن طلب کی تو وسیم بادامی نے ممنون حسین اور راحیل شریف کے دو نام دیتے ہوئے خاتون سے جواب طلب کیا جس پر خاتون کا کہنا تھا کہ یہ تصویر راحیل شریف کی ہے۔ سوشل میڈیا پر یہ ویڈیو خاصی مقبول ہو گئی ہے ، اس ویڈیو کے مقبول ہونے کے ساتھ ساتھ سوشل میڈیا صارفین صدر مملکت کی خاموش طبیعت اور ان کے زیادہ نظر نہ آنے کا بھی تمسخر ارا رہے ہیں۔ سوشل میڈیا صارفین کا کہنا ہے کہ صدر مملکت کبھی کبھار ہی نظر آتے ہیں یہی وجہ ہے کہ صدر بننے کے تین سال بعد تک بھی عوام کو ان کی پہچان نہیں ہو سکی۔