ایمزٹی وی (کھیل) انگلینڈ نے تیسرے ٹیسٹ کیلئے تیرہ رکنی اسکواڈ کا اعلان کردیا، آل راؤنڈر بین اسٹوکس پنڈلی کی انجری کے باعث پاکستان کے خلاف تیسرے ٹیسٹ سے باہر ہوگئے۔ ان فٹ آل راؤنڈ بین اسٹوکس پاکستان کے خلاف تیسرا ٹیسٹ نہیں کھیلیں گے،اسٹوکس اولڈ ٹریفرڈ ٹیسٹ میں پنڈلی کی انجری کا شکار ہوئے تھے، جس کے بعد وہ گراؤنڈ سے باہرچلے گئے تھے اور مزید بولنگ نہیں کرائی تھی۔ بین اسٹوکس کی شرکت چوتھے ٹیسٹ میں بھی مشکوک ہے، پاکستان کے خلاف ون ڈے سیریز میں بھی شمولیت کا اعلان اسٹوکس کی فٹنس رپورٹ کے بعد کیا جائے گا۔

تیسرے ٹیسٹ میں اسٹیون فن، جیک بال اور عادل رشید میں سے کسی ایک کو موقع دیا جائے گا، تیسرا ٹیسٹ تین اگست سے برمنگھم میں کھیلا جائے گا۔

واضح رہے کہ مانچسٹر کے اولڈ ٹریفورڈ اسٹیڈیم میں کھیلے جانے والا دوسراٹیسٹ 330رنز سے جیت کرچار ٹیسٹ میچوں کی جاری سیریز 1-1 سے برابر کر لی تھی۔