ایمز ٹی وی (اسپورٹس)پاکستان بلائنڈ کرکٹ ٹیم کو رواں ماہ بھارت میں ہونے والے ورلڈ کپ میں شرکت کیلئے بھارتی حکومت کی جانب سے این او سی جاری کردیا گیا ۔

پاکستان بلائنڈ کرکٹ ایسوسی ایشن کے جنرل منیجر یوسف ہارون کے مطا بق ٹیم کو ورلڈ کپ کے لیے بھارتی حکومت کی جانب سے این اوسی مل گیا ہے۔

بلائنڈ ورلڈ کپ 12 فروری سے31 جنوری تک بھارت کے مختلف شہروں میں کھیلا جائے گا۔

ایونٹ میں آسٹریلیا، انگلینڈ، نیوزی لینڈ، جنوبی افریقہ ، سری لنکا ، ویسٹ انڈیز ، بنگلادیش، نیپال، بھارت اور پاکستان کی ٹیمیں شرکت کریں گی۔

یوسف ہارون کا کہنا ہے کہ پاکستان ٹیم 28 جنوری کو بھارت پہنچے گی.