ایمز ٹی وی(اسپورٹس) پاکستان ٹیسٹ کرکٹ ٹیم کے کپتان مصباح الحق نے کہا ہے کہ کسی کے کہنے پر ریٹائرمنٹ نہیں لوں گا،کب ریٹائر ہونا ہے خودفیصلہ کروں گا۔
گفتگو کرتے ہوئے قومی ٹیسٹ ٹیم کے کپتان نے ریٹائرمنٹ کے سوال پر جواب دیتے ہوئے کہاکہ خود فیصلہ کروں گا کہ کب ریٹائر ہونا ہے،میڈیا کی باتیں سنتا تو 6 سال پہلے ریٹائر ہوجاتا۔ مصباح الحق کا کہنا تھا کہ منفی باتیں پھیلانے والوں پر غصہ آتا ہے کیونکہ منفی باتیں کھلاڑیوں کی پرفارمنس خراب کرتی ہیں۔