ایمز ٹی وی(اسپورٹس) انڈین پریمیئر لیگ کے افتتاحی میچ میں سن رائزرز حیدرآباد نے رائل چیلنجرز بنگلور کو 35 رنز سے شکست دے دی ہے۔ حیدرآباد دکن میں کھیلے گئے میچ میں میزبان ٹیم نے پہلے بیٹنگ کرتے ہوئے 4 وکٹ پر 207 رنز اسکور کیے تھے۔
یوراج سنگھ نے دھواں دھار بیٹنگ کرتے ہوئے 27 گیندوں پر 3چھکے اور7 چوکے کی مدد سے 62 رنز بنائے۔ ہینرکس نے 52 اور شیکھردھون نے 40 رنز اسکور کیے ۔
جوابی اننگز میں رائل چیلنجرز بنگلور کے اوپنر کرس گیل اور مندیپ نے 52 رنز کا آغاز فراہم کیا۔مندیپ نے 24 اور گیل نے 32رنز کی اننگز کھیلی جبکہ ہیڈ نے 30 اور جادھو نے 31 رنز کیے۔پھر رائل چیلنجرز کی بیٹنگ لائن فلاپ ہوگئی، ایک ایک کرکے بیٹسمین ڈگ آؤٹ جاتے رہے۔
پوری ٹیم2 گیند قبل 172 رنز بناکر آؤٹ ہوگئی۔ بھونیشور کمار، راشد خان اور اشیش نہرا نے 2،2 وکٹیں حاصل کیں۔ایونٹ میں آج پونے رائزنگ سپر جائنٹس اور ممبئی انڈینز کے درمیان مقابلہ ہوگا، جو شام 30:7 بجے پونے میں کھیلا جائے گا۔
