ایمز ٹی وی(اسپورٹس) شاداب خان کی شاندار پرفارمنس نے آئی سی سی کو ”پریشان“ کر دیا اور دوسرے میچ کے فوری بعد انہیں طلب کر کے ڈوپ ٹیسٹ لیا گیا۔ ذرائع کے مطابق دوسرے ٹی 20 میچ کے ہیرو شاداب خان کو میچ کے فوری بعد اینٹی ڈوپنگ ایجنسی نے ”ڈوپ ٹیسٹ “ کے لئے بلا لیا اور ڈوپ ٹیسٹ لی۔ ڈوپ ٹیسٹ ایجنسی کا کہنا ہے کہ یہ ٹیسٹ معمول کی کارروائی ہے اور ڈوپنگ ایجنسی کسی بھی کھلاڑی کو ڈوپ ٹیسٹ کے لئے بلا سکتی ہے۔ واضح رہے کہ شاداب خان نے دوسرے ٹی 20 میچ میں انتہائی عمدہ کاکردگی کا مظاہرہ کیا تھا جس کے بعد انہیں ڈوپ ٹیسٹ کیلئے طلب کر لیا گیا۔ اس کے باعث وہ پریس کانفرنس میں بھی شریک نہیں ہو سکے تھے۔ شائقین کرکٹ یہ سوال کر رہے ہیں کہ انتہائی عمدہ کارکردگی دکھانے پر ہی شاداب خان کو ڈوپ ٹیسٹ کیلئے کیوں طلب کیا گیا ہے۔ اس سے تو یہی تاثر ملتا ہے کہ جیسے آئی سی سی کو شک ہے کہ ان کی کارکردگی کے پیچھے ان کی محنت کا نہیں بلکہ ’نادیدہ‘ دواﺅں کا ہاتھ ہے۔