ایمزٹی وی (کھیل) یورپا فٹبال لیگ میں کھیلے گئے میچ میں سیویلا نے لیور پول کو تین ایک سے ہرا دیا ہے ۔ یورپا فٹبال لیگ کے میچ میں لیور پول نے میچ کا زبردست آغاز کیا اور 35 ویں منٹ پہلا گول اسکور کر کے برتری حاصل کرلی سیویلا کی ٹیم نے ہمت نہ ہارتے ہوئے شاندارکم بیک کیا اور چھیالیسویں منٹ میں گول پوسٹ پر کامیاب حملہ کر کے مقابلہ ایک ایک گول سے برابر کر دیا ۔ اس کے بعد سیویلا نے لیور پول کو خوب تگنی کا ناچ نچایا اور مزید دو گولز داغ کر میچ میں تین ایک سے کامیابی حاصل کر لی، فاتح ٹیم کی جانب سے کوک دو گولز کر کے نمایاں رہے سیویلا کے کھلاڑیوں نے چمچماتی ٹرافی کے ساتھ خوب جشن منایا اور اس تاریخی لمحے کو یادگار بنا دیا۔