ایمز ٹی وی(ایجوکیشن)سندھ کی سرکاری جامعات اور انسٹیٹیوٹ کی کنڑولنگ اتھارٹی،گورنر ہاؤس کی جانب سے تمام اساتزہ اور غیر تدریسی عملے کیلئے پاسپورٹ پر سرکاری ملازمت لکھنا لازمی قرار دے دیا گیا ہے۔گورنر ہاؤس کے زرائع کے مطابق آئندہ کسی ایسے استاد یا غیر تدریسی عملے کے فرد کو بیرون ملک جانے کے لیے این او سی نہیں جاری کیا جائے گا،جس پاسپورٹ پر نجی ملازمت یا بزنس لکھا ہوا ہوگا۔

گورنر زرائع کے مطابق این او سی کے وقت صرف وہ پاسپورٹ قابل قبول ہوگا جس کے پاسپورٹ میں سرکاری ملازمت درج ہوگا۔زرائع کے مطابق سرکاری جامعات اور انسٹیٹیوٹ میں کام کرنے والے سیکڑوں ملازمین نے اپنی سہولت کے لیے پاسپورٹ کے پشیے خآنے مٰن پرائیویٹ ملازمت یا تجارت لکھوایا ہوا ہے۔جو قوائد کے خلاف ہے۔آئندہ گورنر ہاؤس بیرون ملک جانے کے لیے ہرگز ایسے افراد کو این او سی جاری نہیں کرے گا جن کے پاسپورٹ پر سرکاری ملازم نہ لکھا ہو۔