ایمزٹی وی (کھیل) امریکا میں کھیلے گئے فٹبال میچ میں روما کی ٹیم نے لیور پول کو ایک کے مقابلے میں دو گولز سے ہرا دیا ہے ۔ امریکا میں ہونے والے فٹبال میچ میں روما اور لیور پول کی ٹیموں میں جوڑ پڑا ۔ دونوں ٹیموں کے درمیان دلچسپ کھیل دیکھنے کو ملا ۔ روما نے حریف ٹیم کیخلاف تیسویں منٹ میں پہلا گول سکور کر کے برتری حاصل کرلی ۔ لیور پول نے ہمت نہ ہارتے ہوئے زبردست کم بیک کیا اور پینتالیس ویں منٹ میں گیند کو جال کا راستہ دکھا کر مقابلہ ایک ایک سے برابر کر دیا ۔ روما نے حریف ٹیم کی گول پوسٹ پر حملوں کا سلسلہ جاری رکھا اور تریسٹھ ویں منٹ میں دوسرا گول سکور کر دیا ۔ اس کے بعد مخاف ٹیم مزید گول داغنے میں ناکام رہی ۔ فاتح ٹیم کی جانب سے ایڈن اور محمد صالح نے ایک ایک گول کیا۔