ایمزٹی وی (شمالی وزیرستان) شمالی وزیرستان میں آپریشن ضرب عضب کامیابی سے جاری ہے۔ آئی ایس پی آر کا کہنا ہے کہ سیکورٹی فورسز کی ایک اور کارروائی میں 15دہشتگرد مارے گئے ۔ آئی ایس پی آر کے مطابق شمالی وزیرستان میں جاری آپریشن ضرب عضب میں پاک فوج نے ایک اور کامیاب کارروائی کی، جسمیں فضائی حملے کرکے 15 دہشتگرد وں کو ہلاک کردیا گیا، دوسری طرف لیویز فورس کے مطابق وادی تیراہ کے علاقے اکاخیل اور ملحقہ اورکزئی ایجنسی کے علاقے کلایہ سے 8 شدت پسندوں کی لاشیں ملی ہیں، جنہیں شناخت کے لئےتحصیل جمرود میں لیویز سنٹرمنتقل کردیا گیا ہے۔ ابتدائی رپورٹ کے مطابق مقتولین کا تعلق کالعدم لشکراسلام سے ہیں۔ سیکورٹی ذرائع کے مطابق گزشتہ روز اکاخیل اور کلایہ میں سیکورٹی فورسز کے ساتھ جھڑپ میں بھی 11 شدت پسند مارے گئے تھے۔ اُدھر ہنگو کے علاقے کاہی میں دکان کے ساتھ نصب بارودی مواد پھٹنے سے تین دکانوں کو نقصان پہنچا ہے۔