ایمز ٹی وی (کھیل) پاکستان اور انگلینڈ کے درمیان ون ڈے سیریز کا تیسرا میچ کل ناٹنگھم میں کھیلا جائے گا ۔ پہلے دو میچوں میں مایوس کرنے والی اظہر الیون تیسرے میچ میں کم بیک کیلئے پر عزم ہے ۔ ناٹنگھم کا میدان مد مقابل ہوں گے انگلینڈ اور پاکستان ۔ تیسرا ون ڈے قومی ٹیم کیلئے فائنل کی حیثیت اختیار کر گیا ، جیتیں گے تو سیریز میں کم بیک کی آپشن موجود ، ہار گئے تو گورے ٹرافی کے حقدار ٹھہریں گے ۔ گرین شرٹس کے سر پر رینکنگ کی تلوار بھی لٹک رہی ہے ۔ نویں نمبر پر موجود قومی ٹیم کو ورلڈ کپ کوالیفائر سے بچنے کیلئے رینکنگ بہتر بنانے کی اشد ضرورت ہے ۔ پہلے دو میچوں میں فلاپ ہونے والی قومی ٹیم تیسرے میچ میں نئی پلاننگ کیساتھ ان ایکشن ہو گی ۔ دوسری جانب ٹیم مورگن نے شاہینوں کے پر کاٹنے کی حکمت عملی بھی بنا لی ہے ۔ اب دیکھنا یہ ہے کہ پاکستانی ٹیم منیجمنٹ اہم ون ڈے میں پھر کوئی تجربہ کرتی ہے یا لارڈز والے ٹیم کمبی نیشن پر بھروسہ کیا جائیگا ۔