ایمزٹی وی(اسلام آباد)پاکستان تحریک انصاف نے پاناما لیکس کے معاملے پر حکومت کے خلاف 30ستمبر کو رائیونڈ مارچ کا فیصلہ کر لیا ۔
میڈ یا رپورٹس کے مطابق بنی گالا میں تحریک انصا ف کے چیئر مین عمران خان کی زیرصدارت کور گروپ کا اجلاس ہوا جس میں جہانگیر ترین ،شاہ محمود قریشی اورنعیم الحق سمیت دیگر اہم رہنماوں نے شرکت کی ۔اس موقع پر فیصلہ کیا گیا کہ تحریک انصاف30ستمبر کو رائیونڈ مارچ کرے گی ۔عمران خان فیصلے کا باقاعدہ اعلان ورکر کنو نشن سے خطاب کے دوران کریں گے ۔