ایمزٹی وی(پشاور)انتظامیہ نے پشاور سے اسلام آباد آنے والے تمام راستے بند کر دیے
ذرائع کے مطابق انتظامیہ نے اسلام آباد دھرنے کو ناکام بنانے اور کارکنوں کو شرکت سے روکنے کیلئے پشاور تا اسلام آباد موٹر وے بند کر دی ہے جس سے مسافروں کو شدید مشکلات کا سامنا ہے ۔دوسری جانب ٹیکسلا میں بھی جی ٹی روڈ پر کنٹینر لگا دیے گئے ہیں جبکہ اٹک کا پل بھی مکمل طورپر بند ہے۔
ذرائع کا کہنا ہے کہ اٹک پل پر پولیس اور ایف سی کی نفری تعینات کر دی گئی ہے اور پی ٹی آئی کے قافلوں کو گزرنے کی اجازت نہیں دی جا رہی جبکہ موٹر وے اور جی ٹی روڈ بھی ہر قسم کی ٹریفک کیلئے بند کر دی گئی ہے ۔