ایمزٹی وی(کراچی) امریکہ نے ڈاکٹر عافیہ کی رہائی کے لیے لکھے گئے پاکستانی خط کا جواب دینے سے انکار کردیا۔سندھ ہائی کورٹ میں ڈاکٹر عافیہ کو پاکستان لانے سے متعلق درخواست کی سماعت ہوئی جس میں درخواست گزار کے وکیل نے کہا 2002ءمیں جاری آرڈیننس کے تحت ڈاکٹر عافیہ کو واپس لا جا سکتا ہے۔ انہوں نے کہا پاکستان اور امریکہ کے اٹارنی جنرل اتفاق کر لیں تو سزا یافتہ قیدی کو پاکستان منتقل کیا جا سکتا ہے۔
ڈپٹی اٹارنی جنرل نے عدالت کو بتایا امریکہ نے ڈاکٹر عافیہ صدیقی کی رہائی سے متعلق پاکستانی حکومت کے خط کا جواب دینے سے انکار کر دیا ہے۔ درخواست گزار کے وکیل نے کہا عافیہ کو بے بنیاد الزام میں 86 برس قید کی سزا دی گئی۔ عالمی قوانین کے مطابق عافیہ صدیقی کو چھیاسی سال کی سزا نہیں ہو سکتی۔ انہوں نے کہا پاکستان نے عدالتی حکم کے مطابق امریکہ سے رجوع نہیں کیا۔ سماعت کے دوران چیف جسٹس نے کہا عدالت دلائل کا جائزہ لے کر فیصلہ جاری کرے گی۔ عدالت نے سماعت غیر معینہ مدت کیلئے ملتوی کر دیا۔