ایمز ٹی وی(لاہور) ایڈیشنل سیشن جج غلام عباس سیال نے قتل کے مقدمہ میں ملوث ایک مجرم محمد اصغر کو سزائے موت اور 2لاکھ روپے جرمانے کی سزا کا حکم سنا دیا ہے،واضح رہے کہ مذکورہ مقدمہ میں شریک مقتول کی بیوی ملزمہ شاہدہ پروین تاحال اشتہاری ہے ۔
ایڈیشنل سیشن جج کی عدالت میں تھانہ کوٹ لکھپت پولیس نے محمد اجمل کے قتل کے جرم میں ملزم محمد اصغر اور مقتول کی بیوی شاہدہ پروین کے خلاف چالان پیش کررکھا تھا ملزم پر الزام تھا کہ اس نے مقتول کی بیوی شاہدہ پروین کے ساتھ مل کر خاوند اجمل کو قتل کرادیا تھا۔مقدمہ درج ہونے کے بعد شاہدہ پروین مفرور ہو گئی جو ابھی تک پولیس کو دستیاب نہیں ہوسکی ہے۔ عدالت میں صرف ملزم اصغر کے خلاف سماعت ہوئی ،عدالت میں ملزم کے خلاف ثبوت پیش کئے گے جس پر عدالت نے گزشتہ روز وکلاءکے دلائل سننے کے بعد جرم ثابت ہونے پر محمد اصغر کوسزائے موت اور 2لاکھ روپے جرمانے کی سزا کا حکم سنا دیا ہے