ایمز ٹی وی(سرینگر) مقبوضہ کشمیر میں بھارتی فوجیوں نے گزشتہ سال8جولائی کو معروف کمانڈر برہان وانی کی شہادت کے بعد خواتین اور بچوں سمیت117معصوم کشمیریوں کو شہید کیا ہے۔ ریسرچ سیکشن کی طرف سے جاری کئے گئے
اعدادو شمار کے مطابق برہان وانی کے ماورائے عدالت قتل کے خلاف لاکھوں لوگ سڑکوں پر نکل آئے اورترال میں ان کی نماز جنازہ میں دولاکھ سے زائد افراد نے شرکت کی۔ بھارتی فوجیوں نے سوگواروں کو منتشر کرنے کے لیے ان پر گولیوں، پیلٹس اورآنسو گیس کا بے دریغ استعمال کیا۔
خواتین اور بچوں سمیت 17000سے زائد افراد کو زخمی کیاگیا،40 افراد دونوں آنکھوں کی بینائی سے محروم ہوگئے جبکہ 1200افراد کی بینائی جزوی طور پرمتاثر ہوئی۔ بھارتی فورسز نے 65135 مکانوں، دکانوں اوردیگر ڈھانچوں کوتباہ کردیاجبکہ اس دوران 11000افرادکو گرفتاراور534خواتین کے ساتھ بدسلوکی کی گئی۔ ادھر بھارتی فوجیوں نے جنوری 1989ء سے 5فروری 2017ء تک 94612 معصوم کشمیریوں کو شہید کیا جن میں 7080افراد کو فرضی جھڑپوں میں زیر حراست شہید کیا گیا ہے