ایمز ٹی وی(اسپورٹس) بنگلہ دیش میں دو ٹیموں کے درمیان دوستانہ میچ میں کے دوران بلے باز نے وکٹ مار کر 14 سالہ لڑکے کا قتل کردیا۔
اسسٹنٹ کمشنر پولیس جہانگیر عالم نے غیرملکی خبرایجنسی سے گفتگو کرتے ہوئے بتایا کہ بنگلہ دیش کے جنوب مشرقی شہر چٹاگانگ میں فیصل حسین فیلڈنگ کررہےتھے جب بلے باز کو آؤٹ قرار دیا گیا۔
بلے باز کو یہ دیکھ کر شدید غصہ چڑھا جب انہوں نے دیکھا کہ وہ اسٹمپ یا باؤلڈ ہوئے اور غصہ میں آ کر اسٹمپس کو اٹھا کر ہوا میں پھینک دیا۔ اس موقع پر اسٹمپس قریب ہی موجود فیصل کی گردن اور سر کے حصے کے جا لگی۔
وکٹ لگنے کے بعد فیصل درد کی شدت سے کراہتے ہوئے زمین پر گر گئے اور انہیں فوری طور پر اسپتال منتقل کیا گیا لیکن اسپتال میں وہ جانبر نہ ہو سکے اور ان کی موت کی تصدیق کردی گئی۔
پولیس نے ملزم بلے باز کو حراست میں لے لیا ہے اور غیرارادی حملے کے نتیجے میں ہونے والے موت کا مقدمہ چلایا جائے گا۔
کھیلوں خصوصاً کرکٹ میں جنون کی حد تک لگاؤ رکھنے والے بنگلہ دیش میں میچوں کے درمیان جھگڑے اور لڑائیاں عام سی بات ہے اور اس میں کھلاڑیوں کے زخمی ہونے کے واقعات رونما ہوتے رہتے ہیں۔
گزشتہ سال مئی میں ڈھاکا میں ہونے والے میچ کے دوران امپائر کی جانب سے گیند کو نوبال قرار دیے جانے پر اس کا مذاق اڑایا اور بلے باز نے اسٹمپ سے 16 سالہ کرکٹر کو مار مار کر ہلاک کردیا تھا۔