ایمزٹی وی(خیبرپختونخواہ)اسپیکر خیبر پختونخوا اسمبلی اسد قیصر نے کرپشن الزامات پر وضاحت پیش کرتے ہوئے کہا کہ الزام لگایا گیا کہ میں نے 35 کروڑ کا بنگلہ بنایا ہے ،جو بھی میرا 35 کروڑ روپے کا بنگلہ ڈھونڈے گا اسے گفٹ کردوں گا۔
تفصیلات کے مطابق کرپشن الزامات کا جواب دیتے ہوئے سپیکر کے پی کے اسمبلی نے کہا کہ الزامات سے متعلق نیب نے مجھ سے رابطہ نہیں کیا،بنی گالہ میں میرا بھائی کرائے کے مکان میں رہتا ہے اور میں گاﺅں میں اپنے ذاتی گھر میں رہتا ہوں۔
اسد قیصر نے کہا کہ میری زمین بے نامی نہیں ہے الیکشن کمیشن میں ڈکلیئرڈ ہے ،میں نے 11 لاکھ روپے کا ٹیکس دیا اور بنی گالہ میں زمین کی رجسٹریاں میرے پاس موجود ہیں اور زمین کا رقبہ 5 کنال اور 11 مرلے ہے۔
انہوں نے مزید کہا کہ 2009 ءمیں پانچ کنال دوقسطوں میں خریدی،اگر تمام الزامات ثابت ہوئے تو سیاست چھوڑ دوں گا۔