ایمزٹی وی(اسلام آباد)چیف سیکرٹری سندھ کے خلاف توہین عدالت کی درخواست دائر کرنیوالا ٹیچر خود امتحان میں پڑگیا ،سپریم کورٹ نے آسان سے اردو جملے کی انگریزی پوچھی تو ٹیچر کواپنی پڑگئی۔
تفصیلات کے مطابق سپریم کورٹ میں مقدمے کی سماعت کے دوران جسٹس امیر ہانی مسلم نے اسکول ٹیچر سے جملے کی انگریزی پوچھ لی ۔جسٹس امیر ہانی مسلم نے ٹیچر سے مکالمہ کرتے ہوئے پوچھا کہ بتائیں” وہ لاہور گیا تھا“کا انگریزی ترجمہ کیا ہے؟جس پر ٹیچر نے جواب دیاجناب اس کی انگریزی’’ He had gone to lahore‘‘ہے جس پر عدالت نے ریمارکس دیے کہ ”اسلئے تو یہ حال ہے “۔ سپریم کورٹ نے آج کی سماعت کے بعد ٹیچر کی درخواست کا معاملہ محکمہ تعلیم کو بھجوا دیا ۔