ایمزٹی وی(پشاور)وزیراعلیٰ خیبرپختونخوا پرویز خٹک نے کہا ہے کہ پشاور میں میٹرو لاہور میٹرو سے سستی اور معیاری بن رہی ہے ،پشاور میٹرو ایشیائی ترقیاتی بینک سے قرضہ لے کر بنا رہے ہیں ، میٹرو کی سروسز بھی بہتر ہوں گی اور یہ خسارے میں بھی نہیں جائے گی اور نہ ہی ہمیں اس کیلئے سبسڈی دینی پڑے گی، خیبرپختونخوا کا 50فیصد بجٹ صحت اور تعلیم پر لگا رہے ہیں۔
میڈیا سے گفتگو کرتے ہوئے پرویز خٹک نے کہا کہ ہم نے کبھی نہیں کہا کہ پشاور میٹرو14,15ارب روپے میں بن رہی ہے مگر اب بھی یہ دعوے سے کہہ سکتے ہیں کہ ہماری میٹرو لاہور اور راولپنڈی کے میٹرو منصوبوں سے سستی ہے ، پشاورمیں میٹرو کے لیے ایشیائی ترقیاتی بینک قرضہ دے رہا ہے
پرویزخٹک نے کہا کہ ہماری میٹرو کی سروسز بھی بہتر ہوں گی اور یہ خسارے میں بھی نہیں جائے گی اور نہ ہی ہمیں اس کیلئے سبسڈی دینی پڑے گی۔انہوں نے کہا کہ ہم اپنے صوبے میں 30فیصد بجٹ تعلیم اور20فیصد بجٹ صحت پر خرچ کر رہے ہیں ،اتنا بجٹ ان دو شعبوں میں کسی دوسرے صوبے میں نہیں لگایا جا رہا ،خیبرپختونخوا کے سکولوں اور ہسپتالوں کی حالت سے پہلے سے بہت بہتر ہوگئی ہے۔