ایمز ٹی وی(اسپورٹس) روسی حسینہ ماریہ شراپووا پر ٹینس کھیلنے کی پابندی ختم ہوگئی ہے۔ تفصیلات کے مطابق روس سے تعلق رکھنے والی ٹینس اسٹار ماریہ شراپووا کو ممنوعہ ادویات کے استعمال پر 15 ماہ پابندی کے بعد ٹینس کورٹ میں واپسی کی اجازت مل گئی ہے اور وہ کل جرمنی میں ہونے والے ٹینس ٹورنامنٹ میں وائلڈ کارڈ انٹری کے تحت شرکت کریں گی۔ خیال رہے کہ ماریہ شراپووانے مارچ 2016 ء میں ممنوعہ ادویات استعمال کرنے کا اعتراف کیا تھا جس کے بعد ان پر 2 سال کی پابندی عائد کردی گئی تھی جبکہ اپیل کے بعد اس پابندی کو 15 ماہ پر محیط کردیاگیا تھا۔