ایمزٹی وی(اسلام آباد)وزیر دفاع خواجہ محمد آصف نے بھارت پر واضح کر تے ہوئے کہا ہے کہ مسئلہ کشمیرجنوبی ایشیاءمیں اسٹریٹیجک کشیدگی کا باعث بن سکتا ہے کیونکہ بھارت نے کبھی پاکستانی کاوشوں کا مثبت جواب نہیں دیا۔
میڈیا ذرائع کے مطابق ماسکو میں بین الاقوامی سیکیورٹی کانفرنس سے خطاب کرتے ہوئے انکا کہنا تھا کہ خطے میں امن اور استحکام کیلئے مسئلہ کشمیر کا حل ضروری ہے مگر بھارت پاکستان کی مخلصانہ کوششوں کا مثبت جواب نہیں دے رہا ، مسئلہ کشمیر اقوام متحدہ کی قراردادوں کے مطابق حل کرنا ہو گا ۔
وزیر دفاع خواجہ آصف نے شام پر امریکی حملے کو بیرونی مداخلت قرار دیتے ہوئے کہا کہ روس کو افغانستان کے معاملے میں کردار ادا کرنا چاہئیے ۔ انہوں نے روسی ہم منصب سے ماسکو میں ملاقات بھی کی اور باہمی دلچسپی کے امور پر تبادلہ خیال کیا ۔