ایمزٹی وی (ریاض)امریکی صدر ڈونلڈ ٹرمپ منصب صدارت سنبھالنے کے بعد اپنے پہلے غیر ملکی دورے کے سلسلے میں گزشتہ روز سعودی عرب پہنچے جہاں ان کا پرتپاک استقبال کیا گیا مگر اس دورے کے پہلے روز ہی ایک ایسی تصویر سامنے آ گئی جس نے پورے امریکہ میں ہنگامہ برپا کر دیا ور ہر کوئی ٹرمپ کا مذاق اڑانے میں مصروف ہے۔
تفصیلات کے مطابق سعودی فرمانروا سلمان بن عبدالعزیز نے ڈونلڈ ٹرمپ کو سعودی عرب کا سب سے بڑاسول اعزاز بھی پیش کیا جو مختلف ممالک کے غیر مسلم رہنماﺅں کو پیش کیا جاتا ہے۔ میڈل پہننے کے دوران ڈونلڈ ٹرمپ نے سعودی فرمانروا سلمان بن عبدالعزیز کا آداب بھی بجا لائے جس پر ٹوئٹر صارفین ’خونخوار‘ ہو گئے اور امریکی صدر کو خوب آڑے ہاتھوں لے رہے ہیں۔
سعودی فرمانروا شاہ سلمان کیساتھ ہاتھ ملانے کے بعد، جب انہیں سعودی عرب کا سب سے بڑا سول اعزاز پیش کئے جانے کا وقت آیا تو وہ اپنی ’سربہ فلک‘ امیج کھو بیٹھے، کیونکہ گلے میں میڈل پہننے کیلئے انہیں قدرے جھکنا پڑا اور ابس اسی پر امریکی غصے سے آگ بگولہ ہیں۔ ڈونلڈ ٹرمپ کو ملنے والا یہ اعزاز اس سے پہلے بھی کئی صدور کو دیا جا چکا ہے۔
صدر ٹرمپ جھکے اور جب میڈل ان کے گلے میں آ گیا تو وہ ایک ’ادا‘ سے ’آداب ‘ بھی بجا لائے، جو کیمرے کی آنکھ میں محفوظ ہو گیا اور ایک نیا تنازعہ کھڑا ہو گیا۔ ٹرمپ کا ’آداب بجا لانا‘ دانستہ تھا یا نہیں اور ٹرمپ کا جو بھی مقصد تھا، اس عمل نے ان کے مداحوں اور مخالفین کے درمیان ایک جنگ چھیڑ دی ہے
