ایمزٹی وی (تجارت)فیڈرل بورڈ آف ریونیو ( ایف بی آر) نے غیر ضروری اور لگژری آئٹمز کی درآمدات پر سالانہ خرچ ہونے والے اربوں ڈالر کی بچت کیلئے 508اشیاء پر 5فیصد سے لیکر35فیصد تک ریگولیٹری ڈیوٹی عائد کر دی ہے ، یہ ڈیوٹی کسٹمز ڈیوٹی، سیلز ٹیکس اور ود ہولڈنگ ٹیکس کے علاوہ ہوگی،جو ان اشیاء پر پہلے سے لاگو ہے ، اس ضمن میں ایف بی آر نے ان اشیاء پر ڈیوٹی کی وصولی کیلئے فہرست ملک بھر کی بندر گاہوں اور ایئر پورٹس کو روانہ کر دی ہے۔
امپورٹڈ اشیا کھانے والوں کے لئے بری خبر، امپورٹڈ ٹن فوڈ مہنگا ہوگیا ،ڈبوں میں بند امپورٹڈ خوراک پر ریگولیٹری ڈیوٹی میں پانچ فی صد اضافہ کر دیا گیا،پالتوں جانوروں کی خوراک پر ڈیوٹی 15 سے بڑھا کر 20 فی صد،امپورٹڈ پائن اپیل پر ڈیوٹی 15 سے بڑھا کر 20 فی صد ، امپورٹڈ سوئیٹ کارن پر ڈیوٹی 15 سے بڑھا کر 20 فی صد جبکہ امپورٹڈ مشروم پر ڈیوٹی 15 سے بڑھا کر 20 فی صد کردی گئی ہے ،ایف بی آر کے نوٹی فکیشن کے مطابق امپورٹڈ ریڈ چیری پر ڈیوٹی 20 فی صد کردی گئی ،امپورٹڈ بلیو اور بلیک بیری، رس بھری پر ڈیوٹی میں 5 فی صد اضافہ کردیا گیا ،امپورٹڈ جوسز پر ڈیوٹی 20 فی صد،امپورٹڈ منرل واٹر، وٹامن واٹر پر بھی ڈیوٹی 20 فی صد کردی گئی، امپورٹڈ انرجی ڈرنکس پر ڈیوٹی میں 20 فی صد اضافے کی تجویز ہے ،امپورٹڈ کپڑے ، جوتے اور پرس پر ڈیوٹی بڑھادی گئی ہے ،امپورٹڈ کراکری اور دیگر کچن آئٹم پر ڈیوٹی 20 فی صد،امپورٹڈ سگار اور تمباکو پر ڈیوٹی 20 فی صد جبکہ امپورٹڈ سرامکس اور باتھ روم فٹنگز پر بھی ڈیوٹی 20 فی صد کردی گئی ہے جن کا باضابطہ نوٹیفکیشن جاری کردیا گیا ہے ،