ایمز ٹی وی (تجارت )پاکستان اسٹیٹ آئل کے بورڈ آف مینجمنٹ کی جانب سے مالی سال مختتمہ 30 جون 2017 میں کمپنی کی کارکردگی کا جائزہ لینے کیلئے مصدق ملک کی زیر صدارت ایک اجلاس گزشتہ روز کمپنی کے صدر دفتر پی ایس او ہاﺅ س میں منعقد ہوا۔رپورٹ کے مطابق مالی سال 2017 میں 18.2 بلین روپے کا بعد از ٹیکس منافع حاصل ہوا جوکہ گذشتہ سال 10.3 بلین روپے تھا۔

اس لحاظ سے فی شیئر آمدنی گذشتہ سال کے 37.81 کے مقابلے میں بڑھ کر 67.08 روپے ہوگئی۔یہ نمایاں ترقی ٹاپ لائن میں 30 فیصد اضافہ کی شرح سے 878.1 بلین روپے اور مجموعی مارجن 91 بی پی ایس کے سبب حاصل ہوئی۔