ایمز ٹی وی(کراچی)متحدہ قومی موومنٹ کے سربراہ الطاف حسین نے گورنر سندھ ڈاکٹر عشرت العباد سے لاتعلقی کا اعلان کرتے ہوئے اپنے کارکنان کو گورنر سندھ سے دور رہنے کی ہدایت کردی ہے۔الطاف حسین نے جناح گراؤنڈ میں کارکنان سے خطاب کرتے ہوئے کہا کہ گورنر سندھ عشرت العباد وفاقی حکومت اور اسٹیبلشمنٹ کے نمائندے بن چکے ہیں لہٰذا کارکنان ان سے کسی طرح کی رعایت کی اُمید نہ رکھیں۔
الطاف حسین نے کہا کہ گورنر سندھ کے ہوتے ہوئے رینجرز نے نائن زیرو میری بڑی بہن کے گھر چھاپہ مارا گیا، کارکنان گرفتار ہوئے، ماورائے عدالت قتل کیا گیا، تمام جے آئی ٹی بھی گورنر سندھ کی موجودگی میں بنائی گئیں لیکن عشرت العباد نے کسی معاملے پر نوٹس نہیں لیا۔انہوں نے کہا کہ ان تمام واقعات کے باوجود گورنر سندھ نے ڈی جی رینجرز کیخلاف کارروائی نہیں کی اور اب این اے 246 میں ضمنی انتخاب کے موقع پر ڈبل سواری پر پابندی لگادی گئی ہے، گورنر سندھ عشرت العباد پہلے ہی ایم کیو ایم کی رکنیت سے استعفیٰ دے چکے تھے