ایمز ٹی وی(فارن ڈیسک)کینیڈا کے صوبے مینیٹوبا کے دارالحکومت وینی پگ میں پولس کو ایک سٹوریج لاکر سے کم از کم چار بچوں کی لاشیں ملی ہیں۔

پولیس کو اس سلسلے میں پیر کو سٹوریج کمپنی کے ایک ملازم نے فون کیا تھا۔ اس کے بعد پولیس نے وہاں سے لاشوں کی باقیات برآمد کیں۔تفتیش کاروں کا کہنا ہے کہ وہ اس بارے میں ’بہت سے لوگوں‘ سے بات چیت کر رہے ہیں-پولیس کا کہنا ہے کےان لاشوں کا کسی ایسے گم شدہ بچے سے کوئی تعلق نہیں جس کی گمشدگی کی پولیس میں رپورٹ کی گئی ہو-ابھی تک یہ واضح نہیں ہے کہ یہ باقیات لاکر میں کب سے موجود تھے۔

پولیس کے مطابق کینیڈا میں انسانی باقیات کا رکھنا یا چھپانا اپنے آپ میں جرم ہے۔