ایمزٹی وی (بنوں)ایف آر بنوں میں انٹیلی جنس اداروں کی اطلاعات پر کئے گئے آپریشن کے دوران دو دہشت گرد ہلاک ہوگئے۔
پاک فوج کے شعبہ تعلقات عامہ آئی ایس پی آر کی جانب سے جاری کردہ بیان کے مطابق ملک بھر میں آپریشن رد الفساد کامیابی سے جاری ہے، ایف آر بنوں کے علاقے جانی خیل میں خفیہ اطلاعات پر کارروائی کی گئی جس کے دوران جھڑپ میں 2 دہشت گرد ہلاک ہوگئے۔
فورسز کی جانب سے علاقے کا گھیراؤ کرتے ہی دہشت گردوں نے فائرکھول دیا تاہم فائرنگ کے تبادلے میں دو دہشت گرد ہلاک ہو گئے۔ آئی ایس پی آر کے مطابق ہلاک ہونے والے دہشت گردوں کی شناخت رحیم اللہ اور زاہد اللہ کے نام سے ہوئی۔