ایمز ٹی وی(لاہور)11ستمبر کو جماعت اسلامی کا احتساب مارچ داتا دربار لاہور سے اسلام آباد تک ہو گا احتساب مارچ جی ٹی روڈ پرامیر جماعت اسلامی سراج الحق کی قیادت میں ہو گا۔ مارچ کے آغاز سے پہلے سراج الحق لاہور میں بڑے جلسہ سے خطاب کرینگے۔گوجرانوالہ، لالہ موسیٰ، گجرات، جہلم، راولپنڈی سمیت دیگر اہم مقامات پر بھی استقبالیہ پروگرامات اور جلسے منعقد ہوں گے۔

جماعت اسلامی نے اس حوالے سے کئی انتظامی کمیٹیاں بھی تشکیل دے دی ہیں،ان خیالات کا اظہار قائم مقام امیر جaنے جماعت اسلامی پنجاب کے سیکرٹری جنرل بلال قدرت بٹ،امیر جماعت اسلامی لاہور ذکر اللہ مجاہداور صوبائی سیکرٹری اطلاعات فاروق چوہان کے ہمراہ پریس کانفرنس سے خطاب کرتے ہوئے کیا۔ جاوید قصوری نے کہاکہ گزشتہ سال مارچ میں جماعت اسلامی نے ملک میں کرپشن فری پاکستان تحریک شروع کی تھی۔ پاناما لیکس میں سابق وزیر اعظم نوازشریف کو نااہل قرار دینے سے جماعت اسلامی کی کرپشن فری تحریک کو تقویت ملی ہے، پانامالیکس میں شامل دیگر436افراد کا بھی کڑا احتساب ہونا چاہئے ،اسٹیل مل میں بدعنوانی اور کرپشن کے باعث26.5بلین کانقصان ہوچکاہے۔پی آئی اے کا خسارہ بھی500ملین امریکی ڈالر حکمرانوں کی بدترین کارکردگی کامظہر ہے ، ملک میں جو احتساب کا عمل سپریم کورٹ کے تاریخی فیصلے سے شروع ہواتھا اسے رکنا نہیں چاہئے