ایمز ٹی وی (لاہور) گلو بٹ آج لاہور کی انسداد دہشتگردی کی عدالت میں پیش ہوا،انسداد دہشت گردی کی خصوصی عدالت کے جج رائے ایوب مارتھ نےکیس کی سماعت کی۔ سرکاری اہلکار ابوبکر کے بیان پر جراح ہوئی جبکہ گواہ انسپکٹر اعجاز طبیعت ناساز ہونے کے باعث عدالت میں پیش نہ ہو سکے۔ لاہور کی انسداد دہشتگردی کی عدالت میں پیشی کے بعد گلو بٹ کا کہنا تھا کہ اس کے خلاف پراپیگنڈا کیا جا رہا ہے۔ وہ بھی پاکستانی ہے،بھارت سے نہیں آیا۔ گلو بٹ نے کہا کہ کچھ چینلز اس کا ایشو بنارہے ہیں جو کہتا ہوں وہی رپورٹ کریں۔ عدالت نے سانحہ ماڈل ٹاون توڑ پھوڑ کیس کی سماعت ستائیس اکتوبر تک ملتوی کرتے ہوئے آئندہ پیشی پر ہر صورت مزید گواہوں کو بیانات اور جرح کے لیے پیش کرنے کا حکم دے دیا۔