ایمزٹی وی(کراچی)شاہ زیب قتل کیس پر سول سوسائٹی نے سپریم کورٹ کراچی رجسٹری میں اپیل دائر کردی ہے۔
درخواست میں مؤقف اختیارکیا گیا ہے کہ شاہ زیب کےاہل خانہ صلح کرچکے، حکومت ملزمان کی طرف داری کررہی ہے، ایسےمیں سول سوسائٹی ہی اس کیس کوآگےلےکرچلےگی۔
کراچی رجسٹری میں دائر اپیل میں کہا گیا کہ شاہ زیب قتل ذاتی نوعیت کا قتل نہیں، اس کے معاشرے پر سنگین نتائج برآمد ہوئے ہیں ۔
واضح رہے کہ گزشتہ دنوں شاہ زیب قتل کیس میں شاہ رخ جتوئی سمیت چار ملزمان کو ضمانت پر رہاکردیا گیاتھا۔
کراچی کے ڈسٹرکٹ اینڈ سیشن جج جنوبی کی عدالت میں مقتول کے والداورنگزیب نے معافی کا حلف نامہ جمع کراتے ہوئے کہا تھا کہ بیٹے کے قاتلوں کو اللہ کی رضا کے لیے معاف کیا، گھر والوں کی مرضی سے ملزمان کے اہل خانہ سے صلح کی۔ اس لئے ملزمان کی ضمانت پر ہمیں کوئی اعتراض نہیں۔