بیجنگ: وزیراعظم عمران خان کا کہنا ہے کہ حکمرانوں کی کرپشن نے ملک کو تباہ کردیا اور کرپشن کی بدترین قسم منی لانڈرنگ ہے جو ملکی ڈھانچہ تباہ کردیتا ہے۔
بیجنگ میں سینٹرل پارٹی اسکول کی تقریب سے خطاب کرتے ہوئے عمران خان نے کہا کہ انہوں نے کرکٹ کو خیرباد کہہ کر سیاست میں آنے کا فیصلہ کیا جس کا مقصد ملک سے کرپشن سے خاتمہ تھا۔
وزیراعظم نے کہاکہ60 کی دہائی میں پاکستانی شرح نموسب سے زیادہ تھی،بدعنوانی نے پاکستان کی ترقی کوبری طرح متاثرکیا،ان کا کہناتھا کہ پاکستان شمالی کوریا اورملائیشیا کےلئے بھی ماڈل تھا۔
انہوں نے کہا کہ ہرسال اربوں ڈالرزترقی پذیرملکوں سے ترقی یافتہ ممالک کوغیرقانونی طورپرمنتقل ہوجاتے ہیں،ریاستی اداروں کومضبوط کرنا حکومت کی ترجیح ہے،وزیراعظم کا کہناتھا کہ اداروں کومضبوط کرکے ہی بدعنوانی کا خاتمہ کیا جاسکتا ہے،ہم چین کے تجربات سے استفادہ کرنا چاہتے ہیں،انہوں نے کہا کہ وائٹ کالرکرائم سےنمٹنا اہم ہے،وائٹ کالرجرائم سے نمٹنے کیلئے چین کا تعاون درکارہے،وزیراعظم عمران خان نے کہا کہ چین نے 70 کروڑ لوگوں کوغربت سے نکالا،ہم پاکستان میں بھی لوگوں کوغربت سے نکالیں گے.
انہوں نے کہا کہ سی پیک پاکستان کےلئے انتہائی اہم ہے،جب بھی ضرورت پڑی چین نے پاکستان کی مدد کی،وزیراعظم نے کہا کہ 30سال میں چین نے جو ترقی کی ہمارے لئے مثال ہے ، انہوں نے کہا کہ 1996 میں بدعنوانی کےخلاف اپنی سیاسی جدوجہد کاآغازکیا،ہماری جماعت کوشروع میں اہمیت نہیں دی گئی،آج تحریک انصاف پاکستان کی سب سے بڑی جماعت بن گئی