صوبائی محکمہ تعلیم نے ایک بار پھر ڈائریکٹر پرائمری اسکولز کراچی کی اسامی ماہر تعلیم کے بجائے بیوروکریٹ کے حوالے کردی ہے سٹی گورنمنٹ سے تین ماہ قبل لائے گئے اسپیشل سکریٹری تعلیم غلام عباس ڈیتھو ڈائریکٹراسکول ایجوکیشن پرائمری کراچی مقرر کردیا انکے پاس اسپیشل سیکرٹری ایجوکیشن لا کا چارج بھی رہے گا۔ کراچی سمیت سندھ بھر میں ڈائریکٹر اسکولز اور ڈی اوز کی اسامیوں پر ماہرین تعلیم کے بجائے بیروکریٹس کو لگانے کا سلسلہ سابق سکریٹری تعلیم فضل پیچوہو کے دور میں شروع ہوا جس سے محکمہ تعلیم اور اسکولوں کی کار کردگی مزید خراب ہوگئی،
بیوروکریٹ کو بطور ڈائریکٹر اسکولز تعیناتی سے دو لاکھ روپے ماہانہ خصوصی الاونس کے ساتھ گاڑیاں اور مفت پیٹرول الگ ملتا ہے ۔کراچی کی ڈائریکٹر پرائمری اسکولز کی اس اسامی پر پہلے ریاض صدیقی کو تعینات کیا گیا، پھر لبنیٰ صلاح الدین کو لیا گیا اب ایک بار پھر غلام عباس ڈیتھو کو لیا گیا ہے جنہیں تعلیمی امور کا کوئی تجربہ نہیں۔