کراچی: سندھ کے مختلف شہروں میں پولیس مقابلے کے نتیجے میں 7 ملزمان زخمی حالت میں گرفتار ہوئے اور اسلحہ بھی برآمد کرلیا گیا۔
کراچی، حیدرآباد اور میرپورخاص میں پولیس مقابلہ ہوا، فائرنگ کے تبادلے کے بعد سات ڈاکو قانون کے شکنجے میں آگئے۔
پولیس حکام کا کہنا ہے کہ کراچی کے علاقے گلشن اقبال میں ڈکیتی کے دوران مبینہ پولیس مقابلہ ہوا، فائرنگ کے تبادلے کے بعد چار ڈاکوؤں کو زخمی حالت میں گرفتار کرکے اسلحہ برآمد کرلیا۔
گرفتار ملزمان سے مسروقہ سامان اور موٹرسائیکل بھی برآمد ہوئی۔
حیدرآباد کے علاقے امریکن کوارٹرز میں مبینہ پولیس مقابلہ ہوا، پولیس کے مطابق فائرنگ کے تبادلے کے بعد ڈاکو کو زخمی حالت میں گرفتار کیا اور قبضے سے اسلحہ برآمد کرلیا۔
علاوہ ازیں خیرپور کے نواحی علاقے میں پولیس مقابلے کے بعد دو ڈاکوؤں کو گرفتار کرلیا گیا۔
پولیس حکام کا کہنا ہے کہ فائرنگ کے تبادلےمیں ایک ڈاکو زخمی ہوا ہے تاہم دیگر دو ڈاکو موقع سے فرار ہوگئے جن کی تلاش جاری ہے۔
خیال رہے کہ شہر قائد کے علاقے اسٹیل ٹاؤن میں سال نو کے آغاز پر پولیس نے کارروائی کرتے ہوئے دو ملزمان کو گرفتار کرکے اسلحہ برآمد کرلیا تھا۔