ڈیزل چوری کی بڑھتی ہوئی شکایات پر پی ایچ اے کے فیلڈآپریشن کی گاڑیوں میں ٹریکنگ سسٹم لگانے کا فیصلہ کرلیا گیا۔ پی ایچ اے کی فیلڈ میں کام کرنے والی گاڑیوں کے حوالے سے شکایات موصول ہورہی ہیں کہ ان سے مبینہ طور پر روزانہ کی بنیاد پر لاکھوں روپے کا ڈیزل چوری کیا جارہاہے جبکہ اینٹی کرپشن بھی اس معاملے پر انکوائری کررہا ہے،
اس ضمن میں چیئر مین پی ایچ اے سید یاسر گیلانی نے ٹریکنگ کمپنیوں کے نمائندوں سے ملاقات بھی کی اور فزیبلٹی رپورٹ مرتب کرنے کی سفارش کی تاہم ٹریکنگ سسٹم لگانے کے لئے جلد ٹینڈر جاری کیا جائے گا۔ پی ایچ اے کی 80 سے زائد گاڑیوں میں ٹریکنگ سسٹم نصب کیا جائے گا۔