ایمز ٹی وی(لاہور)پنجاب بھر میں سی این جی اسٹیشنز کھولے جانے کے حکومتی اعلان کے باوجود صوبائی دارالحکومت لاہور میں سی این جی پمپس دوسرے روز بھی تاحال بند ہیں۔وزارت پٹرولیم نے 29 مئی سے ایک ہفتے کیلئے سی این جی اسٹیشنز دوبارہ کھولنے کا اعلان کیا تھا۔

مگر سوئی ناردن حکام کی جانب سے 12 لاکھ روپے پیشگی سیکیورٹی جمع کرانے اور نادہندہ نہ ہونے کی کڑی شرائط کے باعث صوبائی دار الحکومت لاہور میں سی این جی اسٹیشنز تاحال بند ہیں ۔اسٹیشن مالکان کا کہنا ہے کہ کاروبار بند تھا اس لیے وہ سیکیورٹی کی مد میں 12 لاکھ روپے کی رقم پیشگی جمع نہیں کراسکتے اس لیے اس شرط کو واپس لیا جائے۔