مسلم لیگ ن کی نائب صدر مریم نواز کہتی ہیں کہ حکمران کہتے تھے ہم احتجاج کےلیے کنٹینر فراہم کریں گے لیکن اب میں نکلی ہوں تو وہ ڈرتے کیوں ہیں۔ ٹویٹر پر شاعرانہ انداز اپناتے ہوئے مریم نواز نے تحریک انصاف اور وزیر اعظم عمران خان کو تنقید کا نشانہ بنایا۔

انہوں نے لکھا کہ ۔ ۔ ۔ مانگے تانگے کی کرسی پر مرتے کیوں ہو، عمل نہیں تو جھوٹی باتیں کرتے کیوں ہو کہتے تھے آؤ میں کنٹینردوں گا، میں جو نکلی ہوں تو ڈرتے کیوں ہو منڈی بہاو الدین میں آج ہر صورت جلسہ ہوگا،مریم نواز ڈٹ گئیں ایک اور ٹویٹ میں مریم نواز نے کہا کہ خوف انسان کو نا چین سے حکومت کرنے دیتا ہے اور نا چین سے جینے دیتا ہے۔

انہوں نے ساتھ ہی خوف کھانے والوں کے لیے بے چارے کا لفظ بھی استعمال کیا۔ واضح رہے کہ مریم نواز نے آج ہر صورت منڈی بہاو الدین میں جلسے کا اعلان کیا ہے جو کہ شام 6 بجے شروع ہونے کا امکان ہے۔