اسلام آباد : اسلام آباد ہائی کورٹ نے وفاقی ترقیاتی ادارے ( سی ڈی اے) کے چیئرمین عامر علی احمد کو توہین عدالت کا شوکاز نوٹس جاری کردیا۔
اسلام آباد ہائی کورٹ کے جسٹس عامر فاروق نے چئیرمین کیپیٹل ڈویلپمنٹ اتھارٹی (سی ڈی اے) کو ذاتی حیثیت میں طلب کرتے ہوئے کہا کہ پیش ہو کر مطمئن کریں کیوں نہ آپ کے خلاف توہین عدالت کی کارروائی کی جائے۔ عدالت نے 12 نومبر کو کیس سماعت کے لیے مقرر کرنے کی ہدایت کردی۔