لاہور: وزیراعلیٰ پنجاب عثمان بزدار نے مظفرگڑھ میں قصر بہبود کا افتتاح کر دیا۔ افتتاحی تقریب کے موقع ہر وزیراعلیٰ عثمان بزدار نے خواتین کی تربیت کیلئے بنائے گئے کلاس رومز کا دورہ کیا۔ وزیراعلیٰ عثمان بزدار نے تربیت حاصل کرنے والی خواتین سے ان کے مسائل دریافت کئے۔
اس موقع پر وزیراعلیٰ پنجاب عثمان بزدار کاکہنا ہے کہ آپ کا خیال رکھنا ریاست کی ذمہ داری ہے۔ قصر بہبود میں خواتین کو 8 مختلف فنون میں بلامعاوضہ تربیت دی جا رہی ہے۔
ان کا مزید کہنا تھاکہ اس منصوبے پر تقریباً 6 کروڑ روپے کی لاگت آئی ہے۔ خواتین کو مارکیٹ کی ضروریات کے مطابق تربیت مہیا کی جائے گی۔