لاہور : محکمہ اسکول ایجوکیشن نےایجوکیشن اتھارٹیزکو فنڈز دیکر واپس لے لیے۔تین ارب کے فنڈز ضائع ہونے کا خدشہ پیدا ہوگیا ۔
تفصیلات کے مطابق گزشتہ ماہ تمام اضلاع کو نان سیلری بجٹ کی مد میں تین ارب روپے سے زائد کے فنڈز جاری کیے گئے تھے ۔ تاہم فنڈزاسکولوں کے اکاؤنٹس میں منتقل ہونے سے قبل ہی محکمہ نے واپس لے لیے ۔
دوسری طرف ایجوکیشن اتھارٹیز اور اسکول سربراہان ہاتھ ملتے رہ گئے۔
لاہور ایجوکیشن اتھارٹی کو 16 کروڑ سے زائد کے فنڈز دیئے گئے ۔ فنڈز نہ ہونے سے اسکولوں کو مشکلات کا سامنا ہے۔
اسکولوں کے سربراہان کا کہنا ہے کہ ایک طرف انسداد ڈینگی مہم چلانے کی ہدایات دی گئی ہیں اور دوسری طرف فنڈز نہیں دیئے جارہے ،پروگرام مانیٹرنگ اینڈ امپلیمنٹ ایشن یونٹ نے فنڈز اتھارٹیز کو واپس دینے کے لیے خط لکھ دیا۔ مالی سال ختم ہونے سے قبل فنڈز اتھارٹیز کو ملنے کی صورت میں تین ارب سے زائد کے فنڈز لیپس ہونے کا خدشہ ہے ۔