لاہور: میٹرک کے پرچوں کی مارکنگ کا معاملہ مزید التوا میں چلا گیا۔ تعلیمی بورڈز کو اجازت نہ ملنے کی وجہ سے مقررہ وقت پر مارکنگ کا عمل شروع نہیں ہوسکا ۔ تفصیلات کے مطابق حکومت کی جانب سے 15 جون سے تعلیمی بورڈز کے زیر اہتمام میٹرک کے پرچوں کی مارکنگ کا اعلان کیا گیا تھا ۔تاہم بورڈ زکو اجازت نہ ملنے پر معاملہ طوالت اختیار کرگیا ۔
ذرائع کاکہنا ہے کہ پرچے چیکنگ کے حوالے سے ایک سمری چیف سیکرٹری کو بھجوائی گئی تھی جس پر اعتراض لگا کر مسترد کردیا گیا ۔
ہائر ایجوکیشن ذرائع کے مطابق چیف سیکرٹری کا کہنا ہے اجازت کابینہ کمیٹی برائے کورونا سے لی جائے ۔ اعلان کے مطابق چیکنگ شروع ہونے کے 90 روز بعد نتائج جاری کئے انے ہیں، تاہم نتائج تاخیر کا شکار ہونے کا خدشہ پیدا ہوگیا ۔لاہور بورڈ کے تین لاکھ بچوں کے پرچے چیک ہونے ہیں ۔