مانیٹرنگ ڈیسک : معروف ٹیکنالوجی کمپنی ایپل 20 کھرب ڈالر مالیت کے ساتھ پہلی امریکی کمپنی بن گئی ۔

معروف ٹیکنالوجی کمپنی ایپل نے ایک سنگ میل عبور کرلیا جو اب 20 کھرب ڈالر مالیت کے ساتھ پہلی امریکی کمپنی بن گئی ہے۔

غیر ملکی خبر رساں ادارے کے مطابق ٹیکنالوجی کمپنی ایپل کو رواں سال عالمی وبا کورونا وائرس کی وجہ سےاپنے متعدد اسٹورز بند کرنےکےباوجودکمپنی کے شیئرز میں 50 فیصد سے زائد کا اضافہ دیکھنے میں آیا ہے۔

ایپل کے بعد سب سے زیادہ مالیت والی دوسری کمپنی ایمازون ہے جس کی مالیت 17 کھرب ڈالرز ہے، ایمازون کمپنی کے بھی شیئرز میں بھی کورونا وائرس کے دوران اضافہ ہوا ہے۔

ایپل اور ایمازون کے بعدتیسرے نمبرپر گوگل کی زیرِ ملکیت ایلفابیٹ سب سے زیادہ مالیت والی کمپنی ہے جس کی مالیت 10 کھرب ڈالرز سے زائد ہے۔