لاہور: پنجاب حکومت کی جانب سے سرکاری کالجوں کے اساتذہ اور ملازمین کے مفت کورونا ٹیسٹ کرانے کا فیصلہ کیا گیا ہے۔
اس ضمن میں لاہور سمیت پنجاب بھر میں سرکاری اور پرائیویٹ کالجوں کو کھولنے کے لئے مراسلہ جاری کر دیا گیا ہےجس میں محکمہ ہائر ایجوکیشن کی جانب سے محکمہ ہیلتھ کو مفت کورونا ٹیسٹ کے لئے انتظامات کرنے کی سفارش کردی گئی ہے۔
سرکاری و پرائیویٹ کالجوں کو کھولنے کے لئے ڈائریکٹر آف پبلک انسٹرکشنز کالجز پنجاب نے تمام ڈویژن کے ڈائریکٹر کالجز کے نام مراسلہ جاری کیا گیا ہے جس میں واضح کیاگیا ہےکہ پرائیویٹ کالجوں کے پرنسپل اپنے اساتذہ و ملازمین کے کورونا ٹیسٹ کرانے کے پاپند ہوں گے۔
جاری مراسلہ کے مطابق ڈائریکٹرکالجزاپنےڈویژن کےپرائیویٹ اورسرکاری کالجوں کی رپورٹ جمع کرانے کے پاپند ہوں گے۔
سرکاری و پرائیویٹ کالجوں کے اساتذہ و ملازمین کی کورونا پر ٹریننگ ورکشاپ 8 اور 9 ستمبر کو منعقد کرنے کا شیڈول جاری کیا گیا۔