اسلام آباد: وفاقی وزیر تعلیم شفقت محمود نے کہا ہے کہ وبا کے حوالے سےحالات کنٹرول میں ہیں ملک میں کورونا وبا میں اضافے کی افواہیں بے بنیاد ہیں، ایس او پیز پر عملدرآمد نہ ہونے کی وجہ سے کئی سکول بند کئے۔سندھ نے تعلیمی اداروں سے متعلق مزید ایک ہفتہ جائزہ لینے کا فیصلہ کیا ہے۔

وفاقی وزیر تعلیم شفقت محمود کا کہنا ہے کہ ایک ہفتے کے دوران اسکولوں کی انسپکشن کی گئی اسکولوں میں ایس او پیز پر عملدرآمد کا جائزہ لیا گیا،

دوسری جانب تعلیمی سرگرمیوں کے دوسرے مرحلے کاآغاز بلوچستان، خیبرپختونخوا،پنجاب، آزاد کشمیر، گلگت بلتستان میں ہوچکا ہے۔
چھٹی تا آٹھویںا سکولز کھل گئے، اسکولوں میں بچوں کی حاضری بھرپور نظر آئی، اسکولوں میں ایس او پیز پر عملد رآمد بھی نظر آیا۔

اسلام آباد میں بھی تعلیمی سرگرمیاں بحال ہوگئیں۔ خیبر پختونخوا میں بھی چھٹی جماعت سے آٹھویں تک تعلیمی ادارے آج سے دوبارہ کھل گئے، بلوچستان کے تعلیمی اداروں کو حکومت کے جاری کردہ ایس او پیز پر عملدرآمد لازم قرار دیا گیا۔