اسلام آباد: وفاقی وزارت تعلیم و پیشہ ورانہ تربیت یونیسکو، ایڈ ٹیک ہب اور ادارہ تعلیم و آگاہی کے تعاون سے گلوبل ایجو کیشن مانیٹرنگ رپورٹ 2024 کا اجرا کر دیا گیا۔
تقریب کی صدارت نگران وفاقی وزیر تعلیم مدد علی سندھی نے کی۔ انہوں نے خطاب کرتے ہوئے کہا کہ اس سال جی ای ایم رپورٹ کا موضوع انتہائی مناسب ہے۔
تعلیم کی فراہمی میں ٹیکنالوجی کے کردار کا جائزہ لینا بہت ضروری ہے ۔ ہماری اولین ترجیح اسکول سے باہر بچوں کی شرح کو کم کرنا ہے، اس تعداد کو کم کرنے میں ٹیکنالوجی کا کردار بھی اہم ہے ، طلبا کو محفوظ اور سازگار ماحول فراہم کرنے کے لیے وفاق کے اسکولوں میں بنیادی ضروریات کی دستیابی یقینی بنانا ہو گی۔