کوئٹہ(ایمز ٹی وی ) بلوچ ریپبلیکن پارٹی کے مرکزی ترجمان شیر محمد بگٹی نے کہاہے کہ بلوچستان میں کاروائی ،اغواء،گرفتاریوں اور مسخ شدہ لاشوں کو پھینکنے کا سلسلہ بدستور جاری ہے ۔جسمیں کوئی کمی واقع نہیں ہوئی ہے ۔گزشتہ دنوں بلوچستان کے دیگر علاقوں سے درجنوں نہتے بلوچ نوجوانوں کو اغواءکرنے کے بعد لا پتہ کیا گیا ہے ۔جبکہ کئی معصوم بلوچ نوجوانوں کی مسخ شدہ لاشیں بھی پھینک دی گئی ہیں ۔ انہوں نے مزید کہا کہ کوئٹہ کے مختلف علاقوں میں کاروائی کے نام پر بلوچ آبادیوں پر ظلم و جبر شروع کر رکھا ہے ۔اس موقع پر ریاست میں یوم دفاع کی تقریبات جاری ہیں اور ہم ریاست سے یہ امید رکھتے ہیں کہ جلد حالات سازگار ہونگے اور بلوچستان کے نوجوان بھی قومی دھارے میں شامل ہو کر ریاستی تقریبات جوش و خروش سے منائیں گے ۔