ایمز ٹی وی ( لاہور) پنجاب میں ڈینگی وائرس کے مریضوں میں مسلسل اضافہ ہورہا ہے۔ رواں ماہ صوبے میں متاثرہ افراد کی تعدادبڑھ کر 142ہو گئی ہے۔گزشتہ چوبیس گھنٹوں کے دوران ڈینگی وائرس سے متاثرہ مزید 11 افراد کی تصدیق ہوگئی جن میں سے 8 کا تعلق راولپنڈی، 2 فیصل آباد اور ایک کا ملتان سے ہے۔ محکمہ صحت پنجاب کے مطابق لاہور میں ڈینگی کو قابو میں لانے کے لیئے وسیع پیمانے پر اقدامات کیئے جا رہے ہیں۔ ہسپتالوں میں ڈینگی کاﺅنٹر قائم ہیں۔ مریضوں کے لیئے الگ سے وارڈز بنا دیئے گئے۔ جہاں مریضوں کو تمام ممکنہ سہولیات فراہم کی جا رہی ہیں۔